Adrien Blanchet

Adrien Blanchet

Adrien Blanchet en (1924)
Biografía
Nacemento	8 de marzo de 1866 París, Francia
Morte	27 de decembro de 1957 (91 anos) París. Francia.
President of the Société de l'histoire de Paris et de l'Île-de-France (en)
1911 – 1912 ← Jules Guiffrey (pt) – Henry Marie Radegonde Martin (pt)  →
Datos persoais
País de nacionalidade	francesa
Educación	École Pratique des Hautes Études. École du Louvre.
Q89547790	Estudos de numismática galo-romana.
Actividade
Campo de traballo	Numismática, arqueoloxía e biblioteconomía.
Ocupación	bibliotecario, arqueólogo, numismático
Membro de	Academia de Inscricións e Linguas Antigas (free member (en) ) (1919–1957) Belles-Lettres et Arts Académie des Sciences (pt) Ligue de la Patrie Française‏ (en) Société de l'histoire de Paris et de l'Île-de-France (en)
Premios
- (1919): Medalla da RNS. - (1934): Medalla Huntington (ANS).
Descrito pola fonte	Svensk Uppslagsbok (pt)

Jules Adrien Blanchet, nado o 8 de marzo de 1866 en París e finado o 27 de decembro de 1957 na mesma cidade, foi un numismático, arqueólogo e bibliotecario francés.

Traxectoria

Adrien Blanchet naceu en París o 8 de marzo de 1866 nunha familia orixinaria de Normandía. De rapaz amosou interese polas moedas antigas; xa con 16 anos axudaba o arquivista do Museo de Pau na clasificación de moedas e logo introduciuse na numismática da man de Anatole de Barthélemy. Blanchet cursou os seus estudos na École Pratique des Hautes Études de París e na École du Louvre (1891).

En 1890 ingresou na Biblioteca Nacional de Francia, onde desde 1892 ocupou o posto de bibliotecario e a partir de 1895 foi bibliotecario honorario. Alí traballou na inventariación de varias coleccións do Gabinete de Medallas, sinaladamente as moedas partas e as atenienses, e publicou en 1985 o catálogo da colección de bronces antigos, en colaboración con Ernest Babelon.

Foi membro de numerosos comités de expertos, entre eles o que se encargou do estudo da organización dos museos de Alemaña e de Austria, en 1892.

Durante a primeira guerra mundial participou como oficial voluntario e prestou o seu servizo en hospitais militares.

Entre outras entidades académicas e asociativas, Blanchet foi presidente da Sociedade Francesa de Numismática en tres períodos: 1903-1905, 1911-1912 e 1941-1942. Presidiu tamén a Sociedade Nacional de Anticuarios de Francia e a Sociedade de Historia de París e da Illa de Francia (1911-1912). Do mesmo xeito, durante longo tempo foi o presidente do Comité de Traballos Históricos de Ministerio de Instrución Pública de Francia.

Ademais, foi membro doutras organizacións, como a Liga da Patria Francesa, a Sociedade Francesa de Arqueoloxía, a Sociedade Francesa de Heráldica e Sixilografía, a Académie des Inscriptions et Belles-Lettres (1919) e a Académie des Sciences, Belles-lettres et Arts de Lyon. No ámbito internacional, pertenceu tamén á Royal Numismatic Society, de Londres, á Sociedade Real de Numismática de Bélxica e á American Numismatic Society.

No ámbito editorial, entre 1906 e 1956 dirixiu, xunto con Ernest Babelon, a publicación Revue Numismatique, da Sociedade Francesa de Numismática. Tamén foi codirector da Carte archéologique de la Gaule (1931-1953) e foi membro do comité editorial da revista Gallia.

Recoñecementos

• (1919): Medalla da Royal Numismatic Society, de Londres.
• (1934): Medalla Huntington, da American Numismatic Society, de Nova York.

Publicacións

A obra de Adrien Blanchet é moi ampla. Esta é unha escolma dos principais traballos monográficos publicados por el ao longo da súa carreira:

Numismática

• (1886). Documents pour servir à l'histoire monétaire de la Navarre et du Béarn de 1562 à 1629 Arquivado 03 de agosto de 2021 en Wayback Machine.. J. Justére, Dax.
• (1888). Numismatique béarnaise: les graveurs en Béarn. H. Labèque, Dax.
• (1890). Nouveau manuel de numismatique du moyen age et moderne. Tomo 1 / Tomo 2 (parte 1ª) / Tomo 2 (parte 2ª) / Tomo 3 (atlas). Roret, París.
• (1892). Études de numismatique. Tome premier. Rollin et Feuardent, París.
• (1893). Numismatique du Béarn. I: Histoire monétaire du Béarn. Leroux éd., París.
• (1894). Les Monnaies grecques. Leroux éd., París.
• (1896). Les monnaies romaines. Leroux éd., París.
• (1900). Les trésors de monnaies romaines et les invasions germaniques en Gaule. Leroux éd., París.
• (1900). Congrés international de numismatique réuni à Paris, en 1900 (con Comte de Castellane, H.). Société française de numismatique, París.
• (1901). Études de numismatique. Tome second. Leroux & Rollin et Feuardent, París.
• (1905). Traité des monnaies gauloises. 1ª parte / 2ª parte. Leroux éd., París.
• (1912). Manuel de numismatique française. I: Monnaies frappés en Gaule depuis les origines jusqu'a Hugues Capet (con A. Dieudonné). Picard, París.
• (1916). Manuel de numismatique française. II: Monnaies royales françaises depuis Hugues Capet jusqu'à la Révolution. Picard, París.
• (1930). Manuel de numismatique française. III: Médailles, jetons, méreaux. Picard, París.

Arqueoloxía

• (1893-1902). Mélanges d’archéologie gallo-romaine. Vol. I (1893) / Vol. 2 (1902). Leroux éd., París.
• (1895). Catalogue des bronzes antiques de la Bibliothèque nationale (con E. Babelon), Leroux éd., París.
• (1900). Les camées de Bourges. Delesques, Caen.
• (1902). Chronique archéologique de la France, 1901. Picard, París.
• (1907). Les enceintes romaines de la Gaule. Leroux éd., París.
• (1908). Recherches sur les aqueducs et cloaques de la Gaule romaine. Picard, París.
• (1909). Inventaire des mosaïques de la Gaule et de l'Afrique. I: Gaule (con G. Lafaye). Leroux éd., París.

Outras

• (1897). Dépenses de la Maison du comte de Provence en 1774. Lechevalier & Cheronnet, París.
• (1902). Sigillographie française. Picard, París.
• (1914). Collections sigillographiques de MM. Gustave Schlumberger et Adrien Blanchet (con G. Schlumberger). Auguste Picard, éd., París.

• (1920). Trois lettres de l'ancienne Académie des inscriptions et belles-lettres. Académie des inscriptions et belles-lettres, París.

Véxase tamén

Bibliografía

• Babelon, J. (1958). "Nécrologie d’Adrien Blanchet 1866-1957". En Revue numismatique. Serie 6. Tomo I. Páxinas 7-10.
• Grenier, A. (1958). "Adrien Blanchet (1866-1957)". En Gallia, 16. Páxinas 1-4.
• Renou, L. (1958). "Éloge funèbre de M. Adrien Blanchet". En Comptes-rendus de l’Académie des inscriptions et belles-lettres (CRAI). 102-1. Páxinas 7-9.
• Tessier, G. (1966). "Notice sur la vie et les travaux de M. Adrien Blanchet". En Comptes-rendus de l’Académie des inscriptions et belles-lettres (CRAI). Páxinas 512-525.

Predecesor: Henri de Castellane Louis Sudre Henri Rolland

Presidente da Sociedade Francesa de Numismática 1903-1905 1911-1912 1941-1942

Sucesor: Paul Bordeaux A. Babut Jean Babelon